A ASOCIACIÓN CULTURAL XENTE DA TRALLA, coa colaboración do CONCELLO DE CEE, organiza a I RUTA «BTT DO PORQUIÑO» -Marcha social e NON COMPETITIVA-
Na marcha poderá participar calquera ciclista maior de idade, ou maior de 15 anos con autorización parental.
A I RUTA «BTT DO PORQUIÑO» é una proba non competitiva que terá lugar por camiños e pistas dos concellos de Cee (A Coruña). A ruta constará dun único itinerario duns 35Kms de lonxitude, que na sua maior parte transcorre por camiños rurais, forestais e de monte, existindo cruces con tramos de estradas, que se atopan abertas ao tráfico para outros usuarios, polo que se deberá extremar a precaución por parte dos participantes, respetando as normas de circulación recollidas na LEI DE SEGURIDADE VIAL e no REGULAMENTO XERAL DE CIRCULACIÓN.
Co abono da inscripción, entregarase a cada participante un ticket para o GRAN ASADO DE PORQUIÑO Ó ESPETO que terá lugar ese mesmo dia as 15:00 horas no campo da festa, e un agasallo recordatorio do evento.
O ticket da dereito a unha ración de Porquiño e o viño tinto.