A Asociación Parkinson Galicia Coruña organiza, en colaboración co Concello de Culleredo e coa Asociación Castelo Deporte, unha carreira e andaina prevista para o Sábado día 10 de Maio de 2025
O 100% DOS BENEFICIOS IRÁN DESTINADOS A ASOCIACIÓN DE PÁRKINSON GALICIA - CORUÑA
A "Carreira e andaina solidaria polo parkinson" é unha actividade organizada pola Asociación Parkinson Galicia-Coruña consistente nunha carreira e unha andaina polo paseo marítimo do Burgo (Culleredo), das
distancias que se describen no presente regulamento, a celebrar na mañá do sábado 10 de maio do 2025.
Toda a información sobre a actividade pode atoparse en https://parkinsongaliciacoruna.org/ e en https://www.facebook.com/parkinsongaliciacoruna
CATEGORÍAS DE COMPETICIÓN E HORARIOS
A carreira é a única modalidade competitiva do evento, e contará con dúas categorías, masculina e feminina, abertas á participación de calquera persoa maior de idade.
A andaina é unha modalidade non competitiva e está aberta á participación de persoas de calquera idade. Para as dúas modalidades establécense as 10.30 horas como horario de saída.
O prazo de inscricións pechará o 30 de abril do 2025 ou cando se cubran todas as prazas dispoñibles para
cada unha das modalidades, que se fixan nun total de 700. A organización resérvase a posibilidade de
incrementar ou reducir o número de prazas ofertadas durante o periodo de inscrición.
Os menores de idade deberán cumplimentar a autorización de menores que se pode descargar en archivos, para poder participar na andaina. Esta deberá ser entregada no momento da entrega de dorsal
PREZO DE INSCRICIÓN
As inscricións terán un prezo de 12 euros para as e os adultos, e 6 euros para as nenas e nenos menores de
12 anos.
- Recollida de dorsais e camisetas en A Escada Manuel Azaña, 2 (Antig. Ofic. da Cross) - O BURGO - 15670 - Culleredo (A Coruña ) o xoves 8 de maio de 16.00 a 21.00 e o venres 9 de maio de 10.00 a 14.00 e de 16.00 a 21.00 h.